Все для школьников, студентов, учащихся, преподавателей и родителей - Обучалка - Obuchalka.org

Изқувар Пуаро, Ҳикоялар, Кристи А., 2018.

Учебник на узбекском языке.

  Машҳур инглиз ёзувчиси, «детектив қироличаси» Агата Кристининг асарлари дунёнинг юздан ортиқ тил-ларига таржима қилинган, кўплари саҳналаштирилган. «Кора қарғалар сири», «Ўнта негр боласи» фильмлари шулар жумласидандир.
Ушбу тўпламга адибанинг қизиқарли ҳикоялари танлаб олинган. Бу ҳикоялар сирли вокеаларга бойли-ги билан ажралиб туради.
Хикоялардаги изқувар кахрамонларнинг фикри тиниқлиги, жиноятларни фош қилишда якиндан иштирок этиши китобхон диккатини тортади. Айниқса, қўнғиз-мўйлов Пуаро ёки мисс Марплнинг воқеалар ва жиноятларни очиши, масала ечимқцаги ёркин, аниқ хулосалари ўкувчини ҳайратлантиради.
Тўплам кенг китобхонлар оммасига мўлжалланган.

Шафтоли ва Пўртахол, Генри О., 2018.

Учебник на узбекском языке.

  Кичик жанрда ижод қилган америкалик адиб О. Генри (1862-1910) ўзбек адабиёт ихлосмандларига «Афсунгарларнинг туҳфаси», «Биржа даллолииииг севгиси» каби ҳикоялари билан таниш. О. Генри ҳикоялари ҳаётий воқеликка асосланган бўлиб, улар ёзувчининг ўта синчковлигидан далолат беради. Мазкур тўпламда жамланган ҳикоялар билан танишган ўқувчи ҳаётни янада чуқурроқ ўрганади, унинг пасту баландликдан иборат йўл эканлигини ҳис қилади, муаллифнинг жонли тасвирларида ўз ҳаётига уйғун бўлган мувозий чизгиларни кўради.

Куйган кўнгил фарёди, Новеллалар ва афсоналар, Цвейг С., 2016.

Учебник на узбекском языке.

  Улуғ австрия ёзувчиси Стефан Цвейгнинг асарлари аёл қалбининг нозик кечинмаларини ҳаққоний ва бор мураккаблигича тасвирлаб бериши билан ажралиб туради. Бу хусусият айниқса унинг «Мураббия», «Номаълум аёл мактуби», «Бир аёл ҳаётидан йигирма тўрт соат» каби новеллаларида яққол кўринади.
Эътиборингизга ҳавола этилаётган китобга ҳам биз адибнинг энг сара асарларини жамладик. Ишончимиз комил, бу асарларни ўқиганингизда қалбингизда авваллари ҳеч қачон туймаган ноаниқ бир туйғу гавдаланади. Бу туйғу одамлар оломони ичида аслида сизнинг ким эканлигингиз, мақомингиз қандай – шу каби саволларга воқеалар силсиласи, қаҳрамонлар ички олами билан танишиш асносида ечим топасиз.

Dahriyning ibodati, Onore de Balzak, 2016.

Учебник на узбекском языке.

  Onore de Balzak asarlari Yevropa adabiyotining gultoji sanaladi. Gobsek, Deplen, Gorio Ota, Lui Lamber – ularning hech biri bir-birini takrorlamaydi, ular qalbidagi mushtarak maqsad, ichki ziddiyatlar, orzular, boringki, adabiyotning insoniyatga ko‘rsatadigan xizmati nuqtayi nazaridan bir-biriga juda yaqin. Mana shu ishki kechinmalarni yurakdan his etgan Balzak o‘z asarlaridan birida shunday yozadi: «Kishi haqida hukm chiqarishdan oldin loaqal uning fikr-asrori, uning baxtsizligi, uning hayajoniga sherik bo‘lish kerak».
Qadrli kitobxon! Agar Balzak qahramonlarining ichki kechinmalarini tushunmoqchi bo‘lsangiz, albatta, ushbu asar mutolaasiga shoshiling.

Мартин Иден, Лондон Ж., 2015.

Учебник на узбекском языке.

  «Камолот кутубхонаси» рукнида чоп этилаётган Жек Лондоннинг «Мартин Иден» романи кўпчиликнинг талаб ва истаклари асосида нашрга тайёрланди. Уни муаллифнинг ўзига хос автобиографик асари дейиш мумкин. Чунки Ж.Лондоннинг ўзи ҳам асар қаҳрамони каби қашшоқ оиладан чиққан ва ўзининг саъй-ҳаракатлари ҳамда ирода кучи билан адабиёт оламида довруғ қозонди.
Инсон ва жамият, жамиятдаги кескин синфий табақаланиш, унинг инсон ҳаётидаги фалсафий-ижтимоий аҳамияти бундан юз йиллар аввал қанчалар долзарб бўлган бўлса, айни дамда ҳам шундай долзарб саналади.
Бой хонадон қизини севиб қолгач, соф муҳаббат туфайли рўёдек туйилган орзуга интилган Мартин ўша орзусига эришганда, унинг сароб эканини англаб етади. Бу орзуни у эмас, севган қизи Руфь эмас, балки жамият ва унинг шафқатсиз қонунлари саробга айлантиради. Мартин тушунган нарсани Руфь ҳеч қачон англаб етолмаганидек, қиз ардоқлаган қадриятлар ҳам Мартин учун ҳамиша бегона бўлиб қолаверади.
Асар мутолаасидан сўнг китобхон ҳар қандай жамият ва тузумда чин инсон бўлиш, буни англай олиш энг юксак ва олий қадрият эканини ҳис қилади.

Oshkora qotillik qissasi, Markes G.G., 2015.

Учебник на узбекском языке.

  Nobel mukofoti laureati Gabriel Garsia Markes (1928) jahon adabiyoti ravnaqiga «Yolg‘izlikning yuz yili», «Mustabid paymonasi», «O‘lat izg‘igan kezlarda muhabbat», «Oyqiz, muhabbat, avliyo, shayton va boshqalar» singari durdona romanlari bilan betakror hissa qo‘shgan so‘z san’atkoridir. Adib ayni mahalda «qissa» va «hikoya» janri ustasi, «Oshkora qotillik qissasi» sara asarlardan biri hisoblanadi.

Кассандра тамғаси, Фалсафий роман, Айтматов Ч., 2016.

Учебник на узбекском языке.

  Буюк адиб ушбу фалсафий романида бутун сайёра, борингки космос миқёсида кенг ва узвий мушоҳада юритган. Бугунги шафқатсизлик, ёвузлик, ваҳшийлик уруғларининг келажакда қандай даҳшатли мевалар беришини космик юксакликдан башорат қилган.

Бегона, Камю А., 2014.

Учебник на узбекском языке.

  Альбер Камю - XX аср француз адабиётининг йирик намояндаларидан бири, адабиёт бўйича Нобель мукофотининг соҳиби, моҳир адиб, драматург, файласуф, “Тубанлашув”, “Вабо”, “Сизиф ҳақида асотир”, “Калигула”, “Асотир ва қиёфа”, “Исёнкор одам”, “Бегона” каби асарлар муаллифи.
А. Камю ўз асарларида Иккинчи жаҳон уруши даҳшати оқибатида пайдо бўлган инсоний такдирнинг абсурд ҳиссиётларини куйлаган.
Альбер Камюнинг “Вабо” ва “Бегона” асарлари Аҳмад Аъзам томонидан моҳирона таржима қилинган. “Ҳикматлар”, “Ён дафтарчалар” асарлари эса И. Бек томонидан узбек тилига ўгирилган.
Асар кенг китобхонлар оммасига мўлжалланган.