Все для школьников, студентов, учащихся, преподавателей и родителей - Обучалка - Obuchalka.org

Geometriya, 7 sinf, Xaydarov B., Tashtemirova N., Asrorov I., 2022.

Учебник по геометрии для 7 класса на узбекском языке.

   Siz matematikaning eng jozibali bo‘limi – geometriyani o‘rganishni boshlayapsiz. Quyi sinflarda ayrim geometrik shakllar va ularning xossalari bilan tanishgan edingiz. 7-sinfda geometrik shakllarning g‘aroyib olamiga sayohat qilib, uni atroflicha va tizimli ravishda o‘rganishga kirishasiz.
Bizni geometrik shakllar olami o‘rab turadi. Geometrik shakllarga kundalik turmushda har qadamda duch kelamiz. Haqiqatan, to‘rtburchak shaklidagi deraza romi, qor parchasining hayratomuz shakli, turli shakldagi binolar, gugurt qutisi, velosiped g‘ildiragi, sovun pufaklari, gullar, daraxt barglari va shu kabi narsalar biror-bir shaklga ega.

Biologiya, 10 sinf, Saparov K.A., Azimov I., 2022.

Учебник по биологии для 10 класса на узбекском языке.

   Siz 7–9-sinflarda o‘qish mobaynida biologiya darslarida tabiat haqidagi ko‘plab tushuncha va atama, qonuniyatlar bilan tanishdingiz. Bu o‘quv yilida siz biologiyani o‘rganishni davom ettirasiz. Biologiya tirik organizmlarning tuzilishi, o‘ziga xos xususiyatlari, ko‘payishi, rivojlanishi, kelib chiqishi, tabiiy jamoalar va yashash muhiti bilan o‘zaro munosabatlarini o‘rganadi. Biologik bilimlar sizga olamning ilmiy manzarasini keng anglagan holda kelgusida shaxs sifatida shakllanishingiz, kasb tanlashingiz, ilmiy dunyoqarashingizni kengaytirish hamda ekologik tafakkurga ega bo‘lishingizga zamin tayyorlaydi. Mazkur darslik yordamida siz biologiya darslarida va mustaqil ravishda hayotning quyi tuzilish darajasidan yuqori tuzilish darajasiga qadar tabiatga yaxlit sistema sifatida qarashni, biologik tushuncha, nazariya va qonuniyatlarni umumlashtirish, ular o‘rtasidagi sabab-oqibat zanjirini o‘rnatgan holda bir tizimga keltirishni o‘rganasiz.

Kimyo, 7 sinf, Asqarov I., Gopirov K., Azamatova D., 2022.

Учебник по химия для 7 класса на узбекском языке.

   Bu o‘quv yilida Siz birinchi marta ajoyib fan – kimyo bilan tanisha boshlaysiz. Kimyo “mo‘jizaviy o‘zgarishlar sanoati” deb ham ataladi. Bu tabiatda mavjud bo‘lmagan materiallarni sintez qilish imkonini beradi, ular barcha turdagi mashinalar va qurilmalarni ishlab chiqishda, uy-joy qurishda, kiyim-kechak va poyabzal ishlab chiqarishda ishlatiladi.
Kimyo bizning atrofimizda: nima qilsak ham, qo‘limizda nima bo‘lmasin, hamma joyda turli moddalarning o‘zgarishi, ya’ni kimyoviy reaksiyalar hamroh bo‘ladi.

Biologiya, 7 sinf, Saparov K.A., Azimov I., 2022.

Учебник по физике для 7 класса на узбекском языке.

   Siz 1–6-sinflarda o‘qish mobaynida “Tabiiy fanlar” darslarida tabiat haqidagi ko‘plab tushuncha va atama, qonuniyatlar bilan tanishdingiz. Bu yil siz yangi fan – biologiyani o‘rganishni boshlaysiz. “Tabiiy fanlar” darslarida o‘zlashtirgan bilimingizni endi siz uchun yangifan – biologiya orqali takomillashtirib borasiz. Qo‘lingizda turgan darslik esa bundasizga yordam beradi. Biologiya tirik organizmlarning tuzilishi va hayotiy faoliyati, xilmaxilligi, tarixiy va individual rivojlanish qonuniyatlarini, shuningdek, insonning tirik tabiatga ta’sirini o‘rganadi.

Fizika, 7 sinf, Suyarov K.T., Usarov J., 2022.

Учебник по физике для 7 класса на узбекском языке.

   Fizika so‘zi yunon tilidagi φύσις – physis soʻzidan olingan bo‘lib, “tabiat” degan ma’noni anglatadi. Fizika – tabiat haqidagi fan. Bu so‘zni fanga yunon mutafakkiri Aristotel kiritgan. Tabiat yer, koinot, suv, havo va oʻsimlik dunyosidan iborat. Tabiatda sodir boʻlayotgan hodisa va jarayonlarni fizika fani singari biologiya, geografiya, kimyo, astronomiya va boshqa fanlar ham oʻrganadi.

Tasviriy san'at, 3 sinf, Xudayberganov R.A., 2022.

Учебник по изобразительному искусству для 3 класса на узбекском языке.

   Qadrli o'quvchilar! Siz 2-sinfda “Tasviriy san’at” darsligi orqali “Grafika”, “Haykaltaroshlik”, “Rangtasvir” va “Kompozitsiya” mav-zulari bo'yicha boshlang'ich malumotlarni o'rgandingiz. Grafik tasvirlar ishlash, loy va plastilindan hajmli bo'rtma va dumaloq haykallar yasash, chizilgan tasvirlarga rang berish, mavzu asosida kompozitsiya tuzish bo'yicha amaliy ko'nikmalarni egalladingiz. 3-sinfda ham boblar ketma-ketligida qiziqarli mavzularni o'rga-nish bilan birga rasm chizish va haykal ishlash, ijodiy kompozitsi-yalartuzish bo'yicha yangi ko'nikmalarni hosil qilasiz.

Matematika, 3 sinf, O'rinboyeva L., Ismailov S., Yusupov X., 2022.

Учебник по математике для 3 класса на узбекском языке.

Фрагмент из книги.
Komiljon gugurtcho‘plardan 4 ta shakl yasashi kerak. 1-shaklni yasashi uchun unga to'rtta, 2-shaklni yasashi uchun yettita va 3-shaklni yasashi uchun o‘nta gugurtcho'p kerak boldi. Shu ketma-ketlikda 4-shaklni yasashi uchun Komiljonga nechta gugurtcho'p kerak bo'ldi? Komiljonga barcha shakllarni yasash uchun nechta gugurtcho‘p kerak boladi?

Ona tili va o‘qish savodxonligi, 3 sinf, 1 qism, Mavlonova K., Azimova I., 2022.

Учебник по узбекскому языку для 3 класса на узбекском языке.

Фрагмент из книги.
Bir bor ekan, bir yo‘q ekan, jannatmonand Farg‘ona vodiysida Namuna bir mehnatkash dehqon yashab o‘tgan ekan. U Alloh bergan umrini mazmunli yashab, vaqti-soati yetgach, omonatini topshirgan ekan. Undan bir botmon yer-u ikki o‘g‘il qolgan ekan. O‘g‘illari xuddi otalariga o‘xshab mehnatkash, serg‘ayrat, halol kishilar ekan. Ular otalaridan meros qolgan yerga bug‘doy, sholi, makkajo‘xori kabi serhosil don-dunlardan ekishar ekan. Hosillari yildan yilga omborlarini to‘ldirib boraverarkan. Nihoyat, bug‘doy yig‘imi mavsumi yetib kelibdi. Aka-ukalar bug‘doyni o‘rib, xirmonga bosishibdi.